Yangon Media Group

Toyota ကုမ္ပဏီသည် ကမ္ဘာ့ အကြီးဆုံး မော်တော်ကားထုတ်လုပ်သည့် ကုမ္ပဏီများထဲမှတစ်ခုဖြစ်ပြီး မော်တော်ကားများရှိ နည်းပညာဖွံ့ ဖြိုးတိုးတက်မှုကို အသုံးချ၍ စက်ရုပ်များ ဖန်တီးထားခြင်း လည်းဖြစ်သည်။ အနာဂတ်ကို ကြိုတင် မှန်းဆရန် ခက်ခဲမည်ဟုလူတိုင်းက တွေးတတ်ကြမည် ဖြစ်သော်လည်း အသက်အရွယ် အိုမင်းလာသူ တစ်ဦး၏ အနာဂတ်ကို မူ အတိအကျ မှန်းဆနိုင်မည် ဖြစ်ကြောင်း ဖူဂျိတ ကျန်းမာရေးတက္ကသိုလ် မှ ပါမောက္ခ အိချိဆိုင်တို့က ပြောကြားခဲ့သည်။ ထို တက္ကသိုလ် သည် စက်ရုံများ တိုးတက်မွမ်းမံရာတွင် Toyota ကုမ္ပဏီနှင့် ပူးပေါင်းလုပ်ဆောင်လျက်ရှိ သည့် တက္ကသိုလ် လည်း ဖြစ်သည်။

ကမ္ဘောဒီးယားနိုင်ငံတွင် ယခုလအတွင်း ကျင်းပမည့် Indo-china Special Olympic Football ပြိုင်ပွဲသို့ မြန်မာနိုင်ငံ ဉာဏ်ရည်မမီသူများ အသင်းမှ သွားရောက် ယှဉ်ပြိုင်မည်ဖြစ်သည်။ ပြိုင်ပွဲသို့ပါဝင်ယှဉ်ပြိုင်ရန် ပြိုင်ပွဲကျင်းပရေး ကော်မတီမှ ဖတ်ကြားလာခြင်း ဖြစ်ကာ နိုဝင်ဘာ ၁၈ရက်မှ ၂ဝရက်အထိ ကျင်းပသွားမည်ဖြစ်ကြောင်း သိရသည်။

''သွားရောက်ယှဉ်ပြိုင်မယ့် ကလေးတွေကို ရွေးချယ်ပြီးပါပြီ။ ဒီပြိုင်ပွဲကို မြန်မာအားကစားအဖွဲ့ အနေနဲ့ အခုမှ ပထမဆုံး အကြိမ်သွားပြိုင်တာပါ။ ဒီပြိုင်ပွဲကနေကလေးတွေအတွက် အတွေ့အကြုံကောင်း တွေ ရရှိနှိင်မှာပါ။'' ဟု မြန်မာနိုင်ငံဉာဏ်ရည်မမီသူများ အားကစားအဖွဲ့ ဥက္ကဋ္ဌဗိုလ်မှူးကြီးမျိုးမြင့်(ငြိမ်း)က ပြောသည်။

မြန်မာနိုင်ငံ ကျန်းမာရေး ဆိုင်ရာ သုတေသနညီလာခံကို ၂၀၁၂ခုနှစ် ဇန်နဝါရီ ၉ရက်မှ ၁၃ရက်အထိ ဆေးသုတေသန ဦးစီးဌာန (အောက်မြန်မာပြည်) တွင် ကျင်းပမည် ဖြစ်ကြောင်း သိရသည်။

ညီလာခံတွင် ကျန်းမာရေး သုတေသန စာတမ်းဖတ်ပွဲ ကျန်းမာရေးသုတေသန ပိုစတာပြပွဲနှင့် ကျန်းမာရေး ပညာရပ်ဆိုင်ရာ ဟောပြောပွဲများ၊ ဆေးပစ္စည်း ကိရိယာ ပြခန်းများ ပါဝင်မည် ဖြစ်ကြောင်း သိရသည်။

အစားအစာဥပဒေ (General Food Law) နှင့် ပတ်သက်၍ ယနေ့ အထိ တင်ပြ ဆွေးနွေး အဆိပြုခြင်း မရှိသေးပါ။ မြန်မာနိုင်ငံ တွင် အစားအစာ ဥပဒေကို ယခင် နိုင်ငံတော် အေးချမ်းသာယာရေး နှင့် ဖွံ့ဖြိုးရေး ကောင်စီ ဥက္ကဋ္ဌ ဗိုလ်ချုပ်မှူးကြီး သန်းရွှေ လက်မှတ်ရေးထိုး ပြဋ္ဌာန်းထားသော အစားအစာဆိုင် ရာ ဥပဒေတစ်ရပ် ရှိကြောင်း သိရ ပါသည်။ ၎င်း ဥပဒေအား သက်ဆိုင်ရာ ဝန်ကြီး ဌာနမှ တာဝန်ရှိ ပုဂ္ဂိုလ်များနှင့် ပညာရှင်များက ပညာရပ်ဆိုင်ရာ ဟောပြောပွဲ၊ အလုပ်ရုံ ဆွေးနွေး ပွဲများ ပြုလုပ်၍ အများပြည်သူ၏ စားသောက်မှုဆိုင်ရာ ကျန်းမာရေးအသိ နှင့် သန့်ရှင်းလတ်ဆတ် ၍ ဘေးအန္တရာယ်ကင်းသော အစားအစာများကို ထုတ်လုပ်ရောင်းချ ရွေးချယ် စားသုံး တတ်လာရန် ပညာပေးခြင်း ၊ အသိပေးခြင်းအပြင် ဖောက်ဖျက် ကျူးလွန်မှုများ ရှိပါက တိုင်ကြားနိုင်ရန်၊ ထိရောက်စွာ အရေးယူ နိုင်မှုအတွက် ကူညီပေး နိုင်ရန် ကျယ်ကျယ်ပြန့်ပြန့် အသိပေးခြင်း အပြင် နိုင်ငံပိုင် သတင်းစာများ နှင့် မီဒီယာများမှ တစ်ဆင့်ထုတ်ပြန် ကြေညာအသိပေးသင့်ပါသည်။

အမျိုးသမီးများတွင် ရင်သား ကင်ဆာဖြစ်စ၌ ထိုကင်ဆာဆဲလ်များအား ကြက်ဥပြုတ်သကဲ့သို့ အပူပေးခြင်းဖြင့် ကုသနိုင်ကြောင်းနှင့် အဆိုပါနည်းအား ဆရာဝန်များက ထုတ်ဖော် စမ်းသပ်ခဲ့ကြကြောင်း သိရသည်။