မြန်မာနိုင်ငံ၏တိုးတက်မှုအခြေအနေနှင့် ယခု လာရောက်ခဲ့သော ယခုခရီးစဉ်သည် အလွန် အားရကျေနပ်မိကြောင်း မစ္စတာ ဗီဂျေနမ်ဘီးယားက ထုတ်ဖော်ပြောကြား ခဲ့သည်။
ကုလသမဂ္ဂ အထွေထွေအတွင်းရေးမှုး၏ အထူးအကြံပေးပုဂ္ဂိုလ် ဒုတိယအတွင်းရေးမှုးချုပ် မစ္စတာ ဗီဂျေနမ်ဘီးယား သည် ဖေဖော်ဝါရီလ ၁၇ -ရက် နံနက် ၉နာရီ ၃၀ မိနစ်ခန့်တွင် ရန်ကုန် အပြည်ပြည်ဆိုင်ရာလေဆိပ်မှ မထွက်ခွာမီ FLOWER NEWS ၏ မေးမြန်းချက်ကို အထက်ပါအတိုင်း ပြန်လည်ဖြေကြားခဲခြင်းဖြစ်သည်။
မစ္စတာ ဗီဂျေနမ်ဘီးယားအား ရန်ကုန်အပြည်ပြည်ဆိုင်ရာ လေဆိပ် အထူးခန်းမဆောင်တွင် တွေ့ဆုံမေးမြန်းစဉ်
“ကျွန်တော် အလွန်အမင်းကို အားရကျေနပ်မှုဖြစ်မိပါတယ်။ အဲဒီအတွက်လည်း ဝမ်းသာပါတယ်။ ဘာကြောင့် အားရကျေနပ်ရတာကိုတော့ နောင်သတင်းထုတ်ပြန်ချက်မှာ အသေးစိတ် ကျွန်တော် ပြောပြပါမယ်” ဟု မစ္စတာ ဗီဂျေနမ်ဘီးယား က လေဆိပ် အထူးခန်းမဆောင်တွင် ပြောကြားခဲ့သည်။
အဆိုပါ သတင်းစာရှင်းလင်းပွဲသို့ ပြည်တွင်း ဂျာနယ် နှစ်စောင်မှ အယ်ဒီတာ နှစ်ဦး နှင့် အစိုးရ သတင်းဌာန ဖြစ်သည့် မြန်မာ့ရုပ်မြင်သံကြား သတင်းစဉ် တို့သာ တက်ရောက်ခဲ့သည်။

