ဆုံးရှုံးမှုတန်ဖိုး ကျပ်သိန်း ၁၀၀ ကျော်ရှိ
ဝက်သားဒုတ်ထိုးအိုးတည် ထားသည့် မီးသွေးမီးဖို မီးကြွင်း မီးကျန်မှ တဆင့် အိမ်ခြေ ၆၀၀ ကျော် မီးလောင်ဆုံးရှုံးမှုတစ်ရပ် လှိုင်သာယာ မြို့နယ် အလယ်ရွာ ကျေးရွာတွင်ဖြစ်ပွားခဲ့ကြောင်း သိရသည်။
အဆိုပါ မီးလောင်မှုမှာ လှိုင်သာယာမြို့နယ် ရွှေပြည်သာ တံတားအဆင်းညာဘက် အလယ် ရွာကျေးရွာတွင် ယနေ့ဖေဖော်ဝါရီ ၆ရက်နေ့ နံနက် ၁၁ နာရီခွဲကျော် ခန့်တွင်ဖြစ်ပွား ခဲ့ခြင်းဖြစ်ပြီး ဆုံးရှုံးမှု တန်ဖိုးသိန်း ၁၀ဝကျော် ခန့်ရှိ ကြောင်း ရန်ကုန်တိုင်း မီးသတ်ဦးစီး ဌာန၏ မွန်းလွဲ ၃နာရီ ခွဲအချိန် ကနဦး စာရင်းများအရသိရသည်။
ဖြစ်စဉ်မှာ လှိုင်သာယာမြို့ နယ် အလယ်ရွာကျေးရွာနေ ပိုင် ရှင် ဦးမိုးဇော် ၊ဇနီး မခိုင်တို့၏ ဓနိ မိုး ထရံကာ ၁ဝပေပတ်လည်အိမ် တွင် ဝက်သား ဒုတ်ထိုးအိုးတည် ထားသော မီးသွေးမီးဖို မီးကြွင်း မီးကျန်မှတဆင့် စတင်လောင် ကျွမ်းခဲ့ခြင်း ဖြစ်ကြောင်း သိရသည်။ မီးလောင်မှုကြောင့် ၁ဝပေ ပတ်လည် ဓနိမိုး ၊ထရံကာ အိမ် အိမ် ၃၀၂ လုံးနှင့် သွပ်မိုး ၊ပျဉ်ကာ အိမ် ၃၇ လုံး မီးလောင် ဆုံးရှုံး ခံခဲ့ ရကြောင်း ရန်ကုန်တိုင်းမီးသတ် ဦးစီးဌာန သိရသည်။
အဆိုပါ မီးလောင်မှုသည် မွန်းလွဲ ၃နာရီခန့်တွင် မီးငြိမ်းသွား ခဲ့ခြင်းဖြစ်ပြီး မီးဘေးဒုက္ခသည် များအား အလယ်ရွာ ကျေးရွာမှ အောင်ဇေယျာမင်း ပရဟိတ ဘုန်းတော်ကြီး ကျောင်းတွင် ကယ်ဆယ်ရေးစခန်း ဖွင့်လှစ်ထားရှိကြောင်း သိရသည်။
