ရန်ကုန်တိုင်းမ် ဂျာနယ် စာဖတ်ပရိသတ်အား ဗုဒ္ဓဘာသာ ဆိုင်ရာသိမှတ်ဖွယ်ရာ များကို လေ့လာသိရှိ ကျင့်ကြံအားထုတ်နိုင်ခြင်းဖြင့် အစဉ်အလာ မိရိုးဖလာဗုဒ္ဓဘာသာဝင်အဖြစ်မှ ဗုဒ္ဓဘာသာဝင်ကောင်းများအဖြစ် နေထိုင် ကျင့်သုံးစေရန်အတွက် ပြည်ထောင်စုသမ္မတ မြန်မာနိုင်ငံတော် သာသနာရေးဝန်ကြီးဌာန မှ ထုတ်ဝေသည့် “ဗုဒ္ဓဘာသာကောင်းတစ်ယောက်” စာအုပ်မှ ကောက်နုတ် ဖော်ပြပါသည်။ ဆက်လက် လည်း ကောက် နုတ်ဖော် ပြပေးသွား ပါမည်။
ဤ လူကမ္ဘာ၏ မြေနှင့်ကျောက် နှစ်မျိုးလုံး၏ ထုထည်သည် ယူဇနာ နှစ်သိန်းလေးသောင်းရှိ၏။ ဤမြေထုသည် ယူဇနာလေးသိန်းရှစ်သောင်းရှိ ရေခဲထုကြီးပေါ်၌တည်နေ၏ ။ ဤမြေထုနှင့် ရေထု(ယူဇနာ ခုနှစ်သိန်းနှစ်သောင်း)ကို ယူဇနာကိုးသိန်း ခြောက်သောင်း ရှိလေထုကြီးက ပင့်မ သယ်ဆောင်ထားသည်။ ဤလေထုကြီး၏ အောက်၌ အဆုံး အပိုင်းအခြားမရှိသော ကောင်းကင်ကြီး တည်ရှိ၏ ။ ထိုကမ္ဘာ့ဝန်းကျင် ကောင်းကင်ကြီးအတွင်း၌ မီးကလာပ်တွေ အပြည့်ရှိသည် ဆို၏ ။
ဤ ကမ္ဘာသည် အထက်ကောင်းကင်၊ အောက်ကောင်းကင် နှစ်ခုကြား၌ တည်ရှိနေကြောင်း၊ လေထုက သယ်ပိုး ဆောင်ကြဉ်းထား၍ လေ၏ သဘာ၀အလိုက် ရွေ့လျားမှုရှိ နေမည်ဖြစ်ကြောင်း၊ လ စသော အခြားဂြိုလ်များကဲ့သို့ အာကာသ အတွင်းမှာ တွဲလွဲတည်ရှိ နေကြောင်း သိရှိနိုင်ပါသည်။ ဤကား လွန်ခဲ့သော နှစ်ပေါင်း ၂၅၀၀ ကျော်လောက်ကပင် ဖော်ပြခဲ့သည့် အကြောင်းအရာများ ဖြစ်သည်။ သိပ္ပံပညာရှင်တို့ကမှု ၊ ကမ္ဘာကို ဝိုင်းပတ်ထားသော လေထုသည် တန်ချိန် ၅၇၀၀ ၀၀၀ ၀၀၀ ၀၀၀ ခန့်ရှိသည်ဆို၏ ။ ယူဆချက် နှစ်ရပ်ကို နှိုင်းယှဉ်ကြည့်က စိတ်ဝင်စားဖွယ် ကောင်းလွန်းပေစွ။
(ဗုဒ္ဓဘာသာကောင်း တစ်ယောက်) စာအုပ်မှကောက်နုတ်ဖော်ပြပါသည်။
(အယ်ဒီတာ)
