ဝါယာရှော့ ဖြစ်ပွားခဲ့မှုသည် ၁၀နာရီခွဲခန့် က စတင်ဖြစ်ပွားခဲ့ပြီး ဈေးသူဈေးသားများမှ မီးသတ်ဆေးဗူးများဖြင့် ငြိမ်းသတ်ခဲ့ကြောင်းသိရသည်။ အဆိုပါ ဖြစ်ပွားရာနေရာသို့ မီးသတ်ယာဉ် ၄ စီးလာရောက်ခဲ့ကြောင်းသိရသည်။
ယင်းဖြစ်ပွား မှုတွင် အရောင်း ဆိုင်များမီးလောင် ဆုံးရှုံးမှုမရှိခဲ့ ကြောင်း မီးသတ်ဦးစီးဌာနမှ တာဝန်ရှိသူကပြောသည်။
မြေအောက် ကေဘယ်ကြိုး ရှော့ဖြစ်ပွားရာနေရာ
အဆိုပါမြေအောက် ကေဘယ်ကြိုး ရှော့ဖြစ်မှုတွင် မီးသတ်ဆေးဗူး ၁၆ ဗူးခန့်ဖြင့် ငြိမ်းသတ်ခဲ့ရကြောင်း နှင့် ယင်းဝါယာရှော့အတွက် မီးသတ်ကား ၄စီး မီးငြိမ်းသတ်ရန်လာရောက်ခဲ့ကြောင်း အနီးအနားဆိုင်မှလာရောက်ကူညီ ငြိမ်းသတ်ခဲ့သူတစ်ဦးကပြောသည်။ဖြစ်ပွားရာနေရာသို့ ရန်ကုန်မြို့တော် လျှပ်စစ်ဓာတ်အား ဖြန့်ဖြူးရေးအဖွဲ့မှ ၁၁ နာရီခွဲ အချိန်ခန့်တွင် ချက်ချင်းလာရောက် ပြုပြင်ဆောင်ရွက်မှုများ ပြုလုပ်နေကြောင်းသိရသည်။
ရန်ကုန်မြို့တော် လျှပ်စစ်ဓာတ်အား ဖြန့်ဖြူးရေးအဖွဲ့မှ လာရောက်ပြုပြင်စဉ်
ထိုသို့ပြုပြင်ရာတွင် မီးလောင်ကျွမ်း ခဲ့သော ကေဘယ်ကြိုး အရှည် ပေ၁၀ ခန့်အား လဲလှယ်ပြုပြင်ရမည် ဖြစ်ကြောင်း လာရောက်ပြုပြင်ရေးအဖွဲ့တွင် ပါဝင်သူ အထက်တန်းအရာရှိတစ်ဦးမှပြောကြားသည်။ အဆိုပါသိမ်ကြီးဈေးအတွင်းရှိ မြေအောက် လျှပ်စစ် ကေဘယ်ကြိုးမှ ဝါယာရှော့ဖြစ်မှုသည် မကြာခဏ ဖြစ်ပွားလေ့ရှိပြီး ယခုတစ်ကြိမ်မှသာ အနီးအနားမှ ပစ္စည်းအနည်းငယ်သို့ မီးကူးစက်လောင်ကျွမ်းခဲခြင်းဖြစ်သည်။
