Yangon Media Group

ကိုလူလှတို့ ရန်ကုန်တိုင်းဒေသကြီး မရမ်းကုန်းမြို့နယ်မှာ  ဟိုးလွန်ခဲ့တဲ့နှစ်နှစ်က လက်ဖက်ရည်ဆိုင် လိုင်စင်သက်တမ်းတိုးရင်း စည်ပင်က အခွန်သွားဆောင်ဆိုတာ ဖြစ်ခဲ့ပါတယ်။ အဲဒီတုန်းက ကိုယ့်လို ဆိုင်သမားအချို့ဟာ အခွန် မဆောင် နိုင်ဘူး။ မဖွင့်တော့ဘူးဆိုကာ ပြန်သွားပြီး ပြန်ဖွင့်နေတာ ယနေ့အထိပါပဲ။ လိုင်စင်သက်တမ်းတိုး ရလား၊ မရလားဆုတာကိုတော့ လူလှ မသိပါဘူး။ ဟော နောက်နှစ်ကျတော့ စည်ပင်ကသက်တမ်းတိုး ရင်း အခွန်ထောက်ခံစာ မလိုတော့ဘူး ဖြစ်ပြန်ရော။ ဒါပေမဲ့ လူလှတို့လို အခွန်ရုံးမှာ  စာရင်း ပေါက်ပြီးသား သူတွေ အဖို့တော့ နိုင်ငံတာဝန်ကို အခွန်ပေးပြီး ရောင်းမြဲရောင်း  ရတုန်းပါပဲ။

ဒါပေမဲ့ ဘာဖြစ်သလဲဆိုတော့ လက်ဖက်ရည် ဆိုင်တွေများလာတော့ လူလှတို့လို တာဝန်ကျေဆိုင်တွေမှာ ရောင်းအားတွေကျဆင်း လာရပါတယ်။ ဟော ဟိုတစ်လောက မြို့တော်စည်ပင်ဥပဒေအရဆိုလား ဘာလား လိုင်စင်မဲ့ဆိုင်တွေ စည်ပင် ဒဏ်ကြေး  ကိုဆက်ကာ ဆက်ကာ ဒဏ်ဆောင်နေတဲ့သူ တွေဆိုင်ဖွင့်ရင် တစ်ရက်လျှင် ဒဏ်ငွေကျပ်၁၀၀၀ဝဆိုတော့ ရက်အနည်းငယ် ဆိုင်အပိတ်ပြပြီး ဟေ့ ခုတော့လဲ ဘာကြောင့် ဆိုင်ပြန်ဖွင့် နိုင်ကြတာလဲ မသိပါဘူး။

လူလှပြောချင်တာက ဒီလိုလိုင်စင်မဲ့၊ အခွန်မဲ့ဆိုင်တွေ ဖွင့်နေရင်တော့ဖြင့် လူလှတို့တိုင်းဒေသကြီးရဲ့လိုငွေ  ၂၂ဘီလီယံ ကို တစ်ထောင့်တစ်နေရာမှ ဝင်ငွေဂဏန်းလေးများဖြည့် ရာ ရောက်နိုင်ပါတယ်။ ဒါကြောင့် မြို့နယ် စည်ပင် သာယာ ကော်မတီနှင့် မြို့နယ် အခွန်များ ဦးစီးဌာန ပူးပေါင်းပြီးတော့ ဆောင်ရွက်ရန်  အချိန်တန်ပါပြီလို့ ဉာဏ်မီသလောက်  တွေးတောပြီး တင်ပြလိုက် ရပါတယ်ခင်ဗျား။

လူလှ(မရမ်းကုန်း)