စက်မှုလုပ်ငန်းနှင့် ခရီးသွား ဗီဇာ နှစ်ခုကို နော်ဝေက sanction ရုပ်သိမ်းပေးလိုက်ပြီး ကုန်သွယ်မှု နှင့် ရင်းနှီးမြှုပ်နှံမှု လုပ်ငန်းများ မြန်မာနိုင်ငံတွင် လုပ်ကိုင်သွားမည် ဖြစ်ကြောင်း နော်ဝေး နိုင်ငံခြားရေး ဝန်ကြီး H.E.Mr. Jonas Gahar Store က ဇန်နဝါရီလ ၂၆ ရက်နေ့ Traders Hotel တွင် စက်မှု ဝန်ကြီးဌာန ပြည်ထောင်စုဝန်ကြီး ဦးစိုးသိန်း နှင့် တွေ့ဆုံအပြီး သတင်းစာရှင်းလင်းပွဲတွင် ပြောကြားခဲ့ကြောင်း သိရသည်။
နော်ဝေး နိုင်ငံခြားရေး ဝန်ကြီး H.E.Mr. Jonas Gahar Store
ဧပြီ ၁ ရက်တွင် ပြုလုပ်မည့် ကြားဖြတ် ရွေးကောက်ပွဲ အပြီး ရွေးကောက်ပွဲ ကျင်းပပုံအခြေအနေပေါ် မူတည်၍ sanction အားလုံးကို ရုတ်သိမ်းပေးသွားမည် ဖြစ်ကြောင်း ယင်းကဆက်လက်ပြောကြားသည်။နော်ဝေး ဝန်ကြီးသည် ဇန်နဝါရီ ၂၅ ရက် က နိုင်ငံတော် သမ္မတ ဦးသိန်းစိန်နှင့် လည်းကောင်း ဒေါ်အောင်ဆန်းစုကြည်နှင့်လည်းကောင်း တွေ့ဆုံခဲ့ကြောင်းသိရသည်။
