မကွေးတိုင်းဒေသကြီး တောင်တွင်းကြီးမြို့မ ရဲစခန်း၏ အရှေ့တောင်ဘက် လေးမိုင်ခန့် အကွာ ယင်းမ လည်ချောင်းတွင် အမည်မသိ လူတစ်ဦး ရေနစ်သေဆုံး နေကြောင်း သိရ သည်။ ဖြစ်စဉ်မှာ အောက်တိုဘာ ၅ ရက် မွန်းတည့် ၁၂နာရီက ရဲအုပ်စခန်းမှူး စန်းအောင်သည် ရဲစခန်း၌ တာဝန် ထမ်းဆောင် နေစဉ် တောင်တွင်းကြီးမြို့ သီလရွာ ကျေး ရွာ အုပ်ချုပ်ရေးမှူး ဦးစိန်အောင်၊ ရာအိမ် မှူး ဦးစိုးလွင် တို့ရောက်ရှိလာပြီး သီလရွာ ကျေးရွာ၏ အနောက်တောင်ဘက် ယင်းမ လည်ချောင်း ရေလယ်ဆောင်စပ်တွင် လူတစ်ဦး ရေနစ်သေဆုံး နေကြောင်း သတင်း ပေးပို့ချက်အရ တောင်တွင်းကြီးမြို့မ ရဲစခန်းမှ ရဲအုပ်စခန်းမှူး စန်းအောင်ဦးစီး သော ရဲတပ်ဖွဲ့ဝင်များ၊ ရပ်ကွက်အုပ်ချုပ် ရေးမှူးများနှင့်အတူ သွားရောက်စုံစမ်းစစ် ဆေးရာ သေဆုံးသူမှာ ဥသျှစ်ကုန်းကျေးရွာနေ ဦးမြင့် ၃၅နှစ် (ဘ)ဦးကျော်ဖြစ် ကြောင်း စုံစမ်းသိရှိရသည်။ ၎င်းသည် ပြင်ပ ဒဏ်ရာ တစ်စုံတစ်ရာ မတွေ့ရှိရဘဲ နှာခေါင်းနှင့် ပါးစပ်မှ အမြှုပ်များထွက်၍ ရေ နစ်သေဆုံးနေကြောင်း တွေ့ရှိရသည်။ အဆိုပါရေနစ် သေဆုံးနေသူအား ရဲဆေး စာနှင့်အတူ တောင်တွင်းကြီးမြို့နယ် ပြည်သူ့ ဆေးရုံကြီးသို့ အောက်တိုဘာ ၅ရက် ညနေ ၃နာရီခွဲ၌ ပို့အပ်ခဲ့ကြောင်း သိရသည်။ ယင်းဖြစ်စဉ်အား တောင်တွင်းကြီး မြို့မရဲစခန်းက သေမှုသေခင်း အမှတ် စဉ် ၁၀/၂၀၁၁ဖြင့် ဓမ္မတာအတိုင်း သေဆုံးခြင်း ဟုတ်မဟုတ် ရဲအုပ်စခန်းမှူး စန်းအောင်က စုံစမ်းထောက်လှမ်း စစ်ဆေး လျက်ရှိကြောင်း သိရသည်။
